18-20 ақпан аралығында Ақтау халықаралық теңіз сауда портында қызметкерлердің біліктілігін арттыруға және жұмыс тиімділігін жақсартуға бағытталған офлайн-тренингтер сериясы өтті. Бағдарлама кәсіби өсу мен ұжымдағы өзара әрекеттестікті жақсартуға ықпал ететін алты негізгі тақырыпты қамтыды.

Оқыту барысында мамандар тайм-менеджмент, жанжалдарды басқару, эмоционалды интеллект, клиентке бағдарлану, тиімді коммуникациялар және ISO 9001:2015, ISO 14001:2015, ISO 45001:2018 халықаралық стандарттарының талаптары бойынша білім алды.

Спикерлер ретінде «ҚТЖ» ҰК» АҚ-ның тәжірибелі жаттықтырушылары – Темірова А., Есімова А., Жұмаханова М. және Саулебаева А. сөз сөйледі. Оқыту барысында жұмыс уақытын тиімді жоспарлау, стресс жағдайларын басқару, клиенттермен жұмыс істеу және ішкі коммуникацияны жетілдіру бойынша дағдылар дамытылды.

Алынған білім қызметкерлерге күнделікті міндеттерді өнімді орындауға көмектесіп, кәсібиліктің артуына және қызмет көрсету сапасының жақсаруына ықпал етеді.

«АХТСП» ҰК» АҚ қызметкерлерді дамытуға инвестиция салуды жалғастырып, үздіксіз оқыту мен кәсіби өсуді қамтамасыз ету үшін қолайлы жағдайлар жасауда. Бұл компания стратегиясының маңызды бөлігі болып табылады.