28 сәуірде Ақтау теңіз портында Дүниежүзілік еңбекті қорғау күніне арналған ұжымдық жиын өтті. Аталған күнді атап өту бастамасы Халықаралық еңбек ұйымына (ХЕҰ) тиесілі.
Биылғы жылдың тақырыбы – «Еңбекті қорғау және еңбек гигиенасы саласындағы революциялық тәсілдер: жасанды интеллект (ЖИ) пен цифрландырудың жұмыс орындарындағы рөлі».
Іс-шара барысында еңбек жағдайлары туралы баяндамалар тыңдалып, еңбекті қорғау мәселелері бойынша бейнеролик көрсетілді. Сондай-ақ қауіпсіздік саласындағы заманауи цифрлық технологиялар мен қызметкерлердің денсаулығын қорғау мәселелері талқыланды.
Жиын қорытындысында еңбек қауіпсіздігі мәдениетін нығайтуға белсенді үлес қосқан қызметкерлерді марапаттау рәсімі өтті.
Ақтау порты қауіпсіз еңбек мәдениетін дамыту мен қауіпсіз өндірістік ортаны қалыптастыру үшін заманауи тәсілдерді белсенді түрде енгізуді жалғастыруда.
