Қазақстан – Нидерланды Іскерлік кеңесінің отырысы қарсаңында дипломатиялық корпус пен негізгі Нидерланды компаниялары басшыларының Ақтау портына сапарлары өтті.

Сапар барысында Нидерланды Корольдігінің Орталық Азиядағы Елшісі Nico Schermers және Witteveen Bos, Nijhuis Saur Industries, Dutch CleanTech, APM Terminals және т.б. сияқты ірі голландиялық компаниялардың өкілдері ТМТМ қазақстандық бөлігі элементтерінің бірінің инфрақұрылымдық мүмкіндіктерімен нақты таныса алды.

Еуропалық қонақтар ТМТМ дәлізінің сөзсіз өсіп келе жатқан рөлін, Каспий теңізі арқылы Еуропа мен Азия арасындағы тауар айналымының өсу перспективаларын, сондай-ақ ТМТМ өңірдің инфрақұрылымы мен логистикасын дамытуға әсерін атап өтті.

Нидерланды Корольдігінің Орталық Азиядағы Елшілігі мен Қазақстанның сыртқы сауда палатасы ұйымдастыратын Іскерлік кеңес Осы аптада Астанада Нидерланды Корольдігінің Қазақстан Республикасына сауда миссиясы шеңберінде өтеді және стратегиялық маңызды екіжақты мәселелерді талқылауға арналады.