Президент Маңғыстау өңіріндегі көлік- логистика инфрақұрылымының даму барысымен танысты

Қасым-Жомарт Тоқаев Қазақстанның транзиттік әлеуетін дамытуда маңызды рөлге ие Ақтау халықаралық теңіз портына барды.

Президентке Маңғыстау облысының көлік-логистика инфрақұрылымын дамыту перспективасы баяндалды.

Атап айтқанда:

Өңірде жалпы құны 1,9 триллион теңге болатын 24 инфрақұрылымдық жоба жүзеге асырылып жатыр.

Ақтауда контейнерлік хаб салынып жатыр. Бұл жоба порттың жүк өткізу қабілетін 140 мыңнан 240 мың ЖФЭ- ге дейін ұлғайтады.

Кендірлі курорты аймағында жаңа әуежайдың құрылысы басталды. Әуежай сағатына 150 жолаушыны қабылдай алады.

Бұдан бөлек, Орталық Батыс және Бейнеу – Сексеуіл секілді ауқымды жол құрылысы жобаларын жүзеге асыру көзделген.

Мемлекет басшысы Кендірлі курорты аумағындағы әуежай құрылысын тезірек аяқтауды тапсырды.

Дереккөз: akordapress